ᑏᑎᖅᑲ ᒪᐃᔭᐅᑉ ᒫᑉᐱᒐᖓᓂ

ᕼᐋᓚᐅ,

ᑐᙶᓱᒋᑦ ᑲᖏᖅᑐᒑᐱᐅᑉ ᖃᕌᓴᐅᔭᒃᑯᕐᕕᖓᓄ. ᐊᑏᖃᖅᑐᖓ ᔨᐅᕇ ᓈᑕᓇᐃᓐ ᐊᒻᒪᓗ ᒪᐃᔭᐅᔪᖓ ᑲᖏᖅᑐᒑᐱᒃ, ᓅᓇᕗᒻᒥ.

ᑲᖏᖅᑐᒑᐱᐅᑉ ᐊᑏᖓ ᐃᓅᑦᑎᑐᑦ ᑲᖏᖅᑐᑦᑎᐊᕙᕋᓛ. ᑲᖏᖅᑐᒑᐱᒃ ᑐᙶᓇᖅᑐᔪᖅ ᓅᓇᖃᖅᑐᔪᑦ ᐱᓕᕆᖃᑎᒋᑉᐸᑦᑐᑦ, ᐊᑑᖅᑐᑎ ᐱᖅᑯᓯᑐᖃᒻᒥᓐᓂ ᐊᒻᒪᓗ ᐅᓪᓗᒦᒧᖓᔪᓂ ᖃᐅᔨᒪᔭᐅᔪᓂ ᐃᑳᔪᖅᓯᖃᑎᒋᑦᑐᑎ ᐱᐆᔪᒥ ᓅᓇᖃᕐᓂᕐᒥ ᐊᒻᒪᓗ ᒪᑮᒪᓂᖃᑦᑎᐊᕐᓂᕐᒥ. ᑲᖏᖅᑐᒑᐱᒃ ᑲᔫᓯᔪᖅ ᐱᕉᖅᐸᓪᓕᐊᓂᕐᒥ ᐊᒻᒪᓗ ᓴᖅᑮᓂᕐᒥ ᓅᓇᓕᓐᓄ ᐃᖅᑲᓇᐃᔭᖃᖅᑎᑦᑎᓂᕐᒥ ᐃᑦᑕᕐᓂᓴᓄᖓᔪᓂ, ᖃᐅᔨᓴᕐᓂᓕᕆᓂᕐᒧ ᐊᒻᒪᓗ ᒦᑭᔪᓄ ᓈᒻᒥᓂᐅᔪᓄᑦ ᐃᓕᓐᓂᐊᖅᑎᑦᑎᓂᒃᑯ ᐊᒻᒪᓗ ᐃᓖᓴᐃᓂᒃᑯ ᓅᓇᖃᖅᑐᔪᓂ ᑕᒫᒃᑭᒃᑯ ᐃᖅᑲᓇᐃᔭᕐᓂᕐᒧ ᐃᓖᖓᓂᖃᕐᓂᒃᑯ ᐊᒻᒪᓗ ᐱᖅᑯᓯᑦᑎᒍ ᖃᐅᔨᒪᓂᐅᔪᓂ ᐊᑑᖅᑐᓂ. ᐃᓅᖏ ᑲᖏᖅᑐᒑᐱᐅᑉ ᐅᑉᐲᕈᓱᑦᑐᑦ ᓴᐴᔾᔨᓂᕐᒥ ᐊᕚᑎᑦᑎᓐᓂ ᓯᕘᓂᑦᑎᓐᓂ ᑮᖑᕙᒃᓴᐅᔪᓄ, ᐊᒻᒪᓗᑦᑕᐅ ᐱᕉᖅᐸᓪᓕᐊᑎᑦᑎᓂᕐᒥ ᐱᓕᕆᕕᓂᒃ ᐊᒻᒪᓗ ᐊᑑᕋᒃᓴᐅᔪᓂ ᐃᑳᔪᖅᑕᐅᓂᕐᒧ ᐊᑑᐃᓐᓇᐅᔪᓂ, ᐱᓕᕆᖃᑎᖃᖅᑐᑎ ᐱᓕᕆᕕᐅᔪᓂ ᐊᒻᒪᓗ ᒑᕙᒪᐅᔪᓂ ᓴᖅᑮᑦᑎᓂᕐᒧ ᓅᓇᓕᓐᓄ ᐊᒻᒪᓗ ᒪᑮᒪᑦᑎᐊᕋᓱᓐᓂᕐᒥ.

ᕼᐊᒻᒪᓚᒃᑯᖏ ᑲᖏᖅᑐᒑᐱᐅᑉ ᖃᐅᔨᒪᓂᖃᖅᑐᑦ, ᐊᑑᕈᓐᓇᖅᑕᖃᐅᖅᑐᑦ ᐊᒻᒪᓗ ᐱᓕᕆᔾᔪᑎᓕᑦ ᒪᑮᒪᓂᖃᑦᑎᐊᕐᓂᕐᒧ ᐱᕉᖅᐸᓪᓕᐊᑎᑦᑎᓂᕐᒥ ᐊᒻᒪᓗ ᐊᑑᑦᑎᐊᕐᓂᕐᒥ ᓃᕿᓂ ᐃᓅᐃ ᓃᕿᖏᓐᓂ ᐱᕚᓪᓕᕈᑕᐅᔪᖅ ᓅᓇᑦᑎᓐᓄ ᐊᒻᒪᓗ ᒪᑮᒪᓇᓱᓐᓂᕐᒧ. ᓴᓈᖑᐊᖅᑎᑦ ᑏᑎᕋᐅᔭᖅᑎᓪᓗ ᐊᒻᒪᓗ ᓴᓈᕈᓗᔭᓯᐅᑦ ᐊᒻᒪᓗ ᐳᓛᕋᑎᖃᕐᓂ ᓴᙲᔪᕈᕆᐊᕆᐊᓕ ᐱᐆᓂᖅᓴᒥ ᒪᑮᒪᓇᓱᓐᓂᕐᒧ ᐱᕉᖅᐸᓪᓕᐊᓂᖃᖁᓪᓗᒍ ᐊᒻᒪᓗ ᓅᓇᓕᓐᓂ ᐱᕉᖅᐸᓪᓕᐊᓂᖅ ᐊᒻᒪᓗ ᕼᐊᒻᒪᓚᖓ ᑲᖏᖅᑐᒑᐱᐅᑉ ᑕᒫᒃᓱᒥᖓ ᐱᓖᕆᕙᓪᓕᐊᓪᓗᓂᐅ.

ᕼᐊᒻᒪᓚᒃᑯ ᑲᑎᒪᔨᖏᓐᓂᖓᖅᑐ ᐊᒻᒪᓗ ᐊᓪᓚᕕᖓᓐᓂ, ᑐᙶᓱᒋᑦ ᑲᖏᖅᑐᒑᐱᐅᑉ ᖃᕌᓴᐅᔭᒃᑯᕐᕕᖓᓄ, ᑕᕚᓂᓐᓂᕆᔭᐃᑦ ᖁᕖᐊᒋᑦᑎᐊᕈ.

ᑏᑎᕋᖅᑐ,

ᔨᐅᕇ ᓈᑕᓇᐃᓐ

ᒪᐃᔭ ᑲᖏᖅᑐᒑᐱᒻᒧ